काठमाडौँ– नेपाली कांग्रेसको १४औं महाधिवेशन अन्तर्गत बिहीबार जारी महिला र आदिवासी जनजाति क्लस्टरअन्तर्गत कांग्रेस सहमहामन्त्री पदमा सभापति शेरबहादुर देउवा प्यानलका उम्मेदवारहरुले अग्रता कायम राखेका छन् ।

दलितमा भने कोइराला प्यानलका जीवन परियारले अग्रता लिएका छन् ।

आदिवासी जनजातितर्फ ३००० मतगणना हुँदा भीष्मराज आङ्दाम्बेले फराकिलो अग्रता बनाएका छन्। उनले १७८० मत ल्याएका छन् भने कोइराला प्यानलका विकास लामाले १२४८९ मत पाएका छन्।

यस्तै महिला सहमहामन्त्रीमा देउवा प्यानलकै महालक्ष्मी उपाध्याय (डिना)ले अग्रता लिएकी छन् । ३००० मतगणना हुँदा उनले १६५२ मत पाएकी छन् भने कोइराला प्यालकी कमला पन्तले १३२६ मत पाएकी छन् ।

यस्तै दलित सहमहामन्त्रीमा कोइराला प्यानलका जीवन परियारले ३९६४ मतगणना हुँदा १८६५ मत पाएका छन् भने देउवा प्यानलका मानबहादुर विश्वकर्माले १८३७ मत पाएका छन् ।