काठमाडौं–नेपालमा पहिलो पटक सञ्चारकर्मीहरुलाई सम्मान र प्रोत्साहन गर्ने उद्देश्यले आयोजना हुन लागेको ‘नेपाल मिडिया अवार्ड’ मा दुबईको ब्लु चिप इन्भेष्टमेन्ट कम्पनीले सहकार्य गर्ने भएको छ । लाइफ इन्स्योरेन्स करर्पोरेसन मुख्य प्रायोजक रहेको यो अवार्डका लागि आयोजक संस्था ड्रिम हाइ नेपाल र ब्लु चिप इन्भेष्टमेन्ट कम्पनीबीच सम्झौता पत्रमा हस्ताक्षर भएको छ ।

दुबईमा ट्रेडिङ विजनेश लगायतका विभिन्न क्षेत्रमा ठूलो लगानी गरेको ब्लु चिप इन्भेष्मेन्ट कम्पनीले बलिउड र साउथका कयौं फिल्ममा समेत लगानी गरेको छ । ब्लु चिपका सिइओ रविन्दरनाथ सोनीले नेपालमा हुने अवार्ड कार्यक्रममा जोडिन पाएकोमा खुसी व्यक्त गरे ।

ब्लू चिप एफएक्स र लालचन बिल्डर्स (सोम लालचन) को पनि सहकार्य गरेको अवार्डको कार्यक्रम निर्मात्रीमा पुनम यादव छिन् । पुनमले यसअघि केही हिन्दी गीत निर्माण गरिसकेकी छन् भने चाँडै नेपाली र बलिउड फिल्म निर्माण गर्ने तयारीमा समेत छिन् ।

नेपाल पत्रकार महासंघसँगको सहकार्यमा आयोजना हुन लागेको ‘नेपाल मिडिया अवार्ड’ मा टेलिभिजन, छापा माध्यम, एफ.एम. रेडियो र अनलाईन पत्रकारिता अन्तर्गत संचार माध्यम र सञ्चारकर्मीको पछिल्लो एक वर्ष यताको उपस्थिति र प्रस्तुतीलाई आधार बनाएर सम्मान प्रदान गरिने आयोजक संस्थाका प्रमुख कमल जिसिले जानकारी दिएका छन् । यो अवार्डसँग होटल एशोसियन स्पोन्सरको रुपमा ‘डबल ट्रि बाई हिल्टन’ पनि जोडिएको छ ।