काठमाडौँ– शेयर बजार कारोबार मापक नेप्से परिसूचक बुधबार ५२ दशमलब ४१ अंकले घटेर तीन हजारभन्दा तल झरेको छ ।

यसअघि सोमबार ३ हजार भन्दा माथि पुगेर नयाँ रेकर्ड कायम भएको नेप्से बुधबार ओरालो लागेको हो ।

बुधबार बजार बन्द हुँदा नेप्से परिसूचक ५२ दशमलव ४१ अंकले घटेर २ हजार ९ सय ६९ दशमलव ६९ अंकमा पुगेको छ । आज १५ अर्ब ४८ करोड रुपैयाँ बढीको कारोबार भएको छ ।

आइतबार २ हजार ९ सय ८३ अंकमा पुगेको नेप्से परिसूचक सोमबार ३ हजार माथि पुगेर रेकर्ड कायम भएको थियो । मंगलबार झिनो अंकले ‘करेक्सन’ देखिए पनि परिसूचक ३ हजार माथि नै रोकिएको थियो ।

नेपाल धितोपत्र बोर्डले मंगलबार सूचीकृत कम्पनीहरु मध्ये ५१ कम्पनीको नाम नै तोकेर जोखिम युक्त भनेपछिको शेयर बजारमा असर देखिएको छ । बोर्डले उल्लेख गरेका अधिकांश कम्पनीहरुको सेयर मूल्य घटिरहेको छ ।