काठमाडौँ– सिन्धुपाल्चोकको हेलम्बु क्षेत्रका दीपकिरण खड्काले यो विपतीबाट उम्कन भगवान भरोसाको अवस्था रहेको बताएका छन् ।

उनले सामाजिक सञ्जाल फेसबुकमा चार तस्वीर राख्दै स्थिति भयावह भएको बताएका छन् ।

पानी धेरै नपरेको भएपनि लगातार खोलामा पानीको सतह बढ्दै गएको उनले लेखेका छन् ।

‘अब यस्तो कहिले नहोस !’ लेख्दै उनले हेलम्बु क्षेत्रका तस्वीर र उर्लेको मेलम्ची नदीलाई तस्वीरमा कैद गरेका छन् ।

आफ्नी माइली हजुरआमा बेपत्ता भएको उल्लेख गर्दै उनले आफूहरु पहिले घर भएको ठाउँ सेरामा अहिलेसम्म सुरक्षित रहेको बताएका छन् ।

उनले भनेका छन्, ‘बिजुली नभएकाले प्रायः जसो फोन स्वीच अफ छन्। माथीतिरका पूलहरु बगाएको खबर छ। दर्जनौं मान्छेहरु बेपत्ता छन्। जताततै त्राही त्राही छ ! यो अन्धकार भुमरीबाट उम्कनु छ ! दैवको भरोसामा जो छौँ !’

उनले आफ्नो फार्महरु केही बाँकी नरहेको, खेत सबै बाढीले ढाकेको, बाढी अझै शान्त नभएको बताएका छन् ।