काठमाडौँ– मध्यपूर्वमा रहेका गैरआवासीय नेपालीले पठाएका ५६० थान अक्सिजन सिलिण्डर सरकारलाई हस्तान्तरण गरिएको छ ।
कोरोना महामारीका कारण नेपालको अक्सिजन संकट सामना गर्न मध्यपूर्वमा रहेका गैरआवासीय नेपालीले पठाएका सिलिण्डर स्वास्थ्य मन्त्री हृदयश त्रिपाठीलाई हस्तान्तरण गरिएको हो ।
सुदूरपश्चिम प्रदेशलाई १००, कर्णालीलाई १००, लुम्बिनीलाई २००, प्रदेश-२ लाई ८५ र गण्डकीलाई ७५ थान सिलिण्डर वितरण गरिनेछ ।
‘नेपालमा अक्सिजन पठाऔँ, आफन्तको ज्यान बचाऔँ’ अभियानअन्तर्गत थप सहायता पनि आउने क्रममा रहेको जानकारी दिइएको छ । साथै गैरआवासीय नेपालीले ६७० वटा अक्सिजन कन्सन्ट्रेटर तत्कालै उपलब्ध गराउने पनि जानकारी दिएका छन् ।
प्रतिक्रिया