काठमाडौँ– नेपाली कांग्रेसले सोमबार देशका सबै ७७ जिल्लामा विरोध प्रदर्शन गरेको छ ।

प्रतिनिधिसभा विघटन असंवैधानिक र अलोकतान्त्रिक कदम भएको भन्दै कांग्रेसले पूर्वनिर्धारित कार्यक्रम अन्तर्गत सोमबार विरोध प्रदर्शन र सभा गरेको हो ।

काठमाडौंको  योजना गरिएको विरोधसभा अघि काठमाडौंको विभिन्न भागबाटजुलुस सहित कांग्रेस नेता, कार्यकर्ता वसन्तपुर पुगेका थिए ।

असन, इन्द्रचोक हुँदै वसन्तपुर पुगेको र्‍याली त्यहाँ विरोध सभामा परिणत भएको थियो ।

सभामा कांग्रेसका नेताहरुले प्रधानमन्त्रीको असंवैधानिक कदमले लोकतन्त्र खतरामा परेको धारणा राखेका थिए ।

कांग्रेस नेता अर्जुन नरसिंह केसीले निर्वाचनका निम्ती कांग्रेस तयार भएपछि संसद बिघटन गर्ने कदम भने संविधानमाथिको आक्रमण भएको बताए ।

त्यस्तै कांग्रेस नेता भीमसेनदास प्रधानले मुलुकमा कोरोना, रोजगारी , युवाहरुको समस्या रहेपछि प्रधानमन्त्री भने सत्ता जोगाउन लागेको आरोप लगाए ।

हेरौँ भिडियो