काठमाडौं– प्रकु पाण्डेको निर्देशनमा बनेको फिल्म ‘ईओजी (एरर्स अफ गड)’ को टिजर सार्बजनिक भएको छ । कलासी प्रोडक्सनको निर्माणमा बनेको फिल्मको टिजर ओएसआर डिजिटलको युट्युब च्यानलमार्फत सार्बजनिक गरिएको हो ।

फिल्ममा विकाश जोशी, राज न्यौपाने, घनश्याम जोशी, ममता लामिछाने, सुचित्रा उप्रेती, सरिता ढुंगानाको साथमा भोलाराज सापकोटा, विजय बराल, कमलमणि नेपाल, प्रतिक दुलाल, अस्मिता खनाललगायतका कलाकारको अभिनय छ ।

संगीत सापकोटाको लेखन र सगुन पोख्रेलले निर्माण रहेको फिल्ममा आफ्नो सबै शक्ति गुमाएर पृथ्वीलोकमा साधारण मानवको रुपमा आएका भगवानहरुको कथालाई मनोरन्जनात्मक ढंगले प्रस्तुत गरिएको छ ।

क्राइसिस ज्याक (कृष्ण) को छायांकन रहेको यस फिल्ममा रोमी मोसेस तन्डुकारको सम्पादन र शक्ति राईको कला निर्देशन रहेको छ ।