काठमाडौँ– भारतमा दैनिक बढ्दो रुपमा देखिएको कोरोना भाइरसको संक्रमण दर पछिल्लो २४ घण्टामा केही घटेको छ ।
दैनिक चार लाख बढी संक्रमित थपिने गरेकोमा पछिल्लो २४ घण्टामा ३ लाख ३८ हजार २३९ जनामा संक्रमण पुष्टि भएको जनाइएको छ । विहीबार (हिजो) ३ लाख ६२ हजारभन्दा बढीमा संक्रमण पुष्टि भएको थियो ।
विश्वमा कुल संक्रमित संख्याको आधारमा दोस्रो स्थानमा रहेको भारतमा यो समाचार तयार पार्दासम्म संक्रमितको संख्या २ करोड ४० लाख ४६ हजार १२० पुगेको छ ।
भारतमा हालसम्म कोरोनाले २ लाख ६२ हजार ३५० जनाले ज्यान गुमाएका छन् । जसमध्ये २४ घण्टामा मात्रै ३ हजार ९९९ को मृत्यु भएको छ ।
प्रतिक्रिया