मुम्बई– भारतीय रियालिटी शो ‘बिग बोस १४’ पूर्ण रफ्तारमा आफ्नो समापनको बाटोमा अगाडि बढिरहेको छ । ‘बिग बोस’को घरमा उपस्थित प्रतिष्पर्धीहरु फिनाले, ट्रफी जित्ने र घरबाहिर निस्कने व्यग्र प्रतिक्षामा छन् ।

शोका होस्ट सलमान खानको अवस्था पनि ठ्याक्कै यस्तै छ । शोको हालैको एक एपिसोडमा उनले सिजन सकिन लागेको विषयमा आफ्नो धारणा सार्वजनिक गरेका छन् ।

‘ममा मिश्रित भावना छ । कहिले खुशी, कहिले दुःखी’, उनले भनेका छन् । उनले शोको पूर्ण टिम र समूहले आगामी वर्षसम्म कुनै भुक्तानी र चेक नपाउने कुरामा दुःख व्यक्त गरेका छन् ।

‘बिग बोस १४’ पछि सलमान ‘पठान’, ‘टाइगर जिन्दा है ३’ र अन्य फिल्मको सुटिङमा व्यस्त हुनेछिन् । उनले आगामी सिजनमा पुनः आउने भन्दै आगामी सिजनका लागि आफ्नो पारिश्रमिकमा १५ प्रतिशत वृद्धि हुनुपर्ने माग राखेका छन् ।

‘म त आउछु नै, यदि मेरो १५ प्रतिशत पारिश्रमिक यी व्यक्तिले बढाए भनें’, उनले भनेका छन् । यो संस्करणका लागि सलमानले प्रति हप्ता २४ करोड पारिश्रमिक लिइरहेका छन् ।

–एजेन्सी