काठमाडौँ–नेपाली कांग्रेसको नयाँ नेतृत्व चयनका लागि मतदान जारी छ । भृकुटीमण्डप र राष्ट्रिय सभामा गरी तीन स्थानमा मतदान भइरहेको छ । सोमबार दिउँसो साढे ११ बजे सुरु भएको मतदानमा राति ९ बजेसम्म ४ हजार मत खसेको छ ।
अझै ७ सयभन्दा धेरै मतदाता बाँकी छ । निर्वाचन समितिले यसअघि मतदानको समय ९ बजेसम्म तोकेकोमा मतदान नसकिएपछि समय बढाएको छ । समितिले राति साढे १० बजेसम्म मतदानको समय तोकेको छ ।
मतदान सकिएपछि सभापतिको मतगणना सुरु हुनेछ । सभापतिमा शेरबहादुर देउवा, विमलेन्द्र निधि, प्रकाशमान सिंह, डा. शेखर कोइराला र कल्याण गुरुङ उम्मेदवार छन् । कुल १३२ सिटका लागि साढे ४ सयभन्दा धेरै उम्मेदवार छन् । दुई जना निर्वाचित भइसकेका छन् ।
प्रतिक्रिया