काठमाडौँ– नयाँ नेतृत्व चयनका लागि नेपाली कांग्रेसमा चुनाव भइरहेको छ । १३२ सिटका लागि साढे ४ सयभन्दा धेरै उम्मेदवार मैदानमा छन् । सोमबार बिहान ८ बजेबाट मतदान हुने भनिएपछि लाइनमा बसेका मतदाताहरु थाकिसकेका छन् । मतदान दिउँसो साढे ११ बजे सुरु भयो भने मतदान गर्न निकै समय लाग्ने भइरहेकाले ढिलाइ पनि भइरहेको छ । मतदान सुरु भएको ६ घण्टामा आधाभन्दा थोरै मत खसेको छ ।

४७४३ मतदाता मध्ये साँझ ५ बजेसम्म १९९३ जनालेमात्र मतदान गरेका छन् । यो हिसाबले निर्वाचन आयोगले मतदान सकिने राति ९ बजेको समयसम्म पनि सबै मतदाताले मतदान सक्ने सम्भावना न्यून छ ।

मतदाताहरु लाइनमा बसेर थाकिसकेका छन् । तर, उम्मेदवारहरु भने लाइनमै मत मागिरहेका छन् । उम्मेदवारहरु मतदाता आफूतर्फ तान्न अन्तिम कसरत गरिरहेका छन् ।

तस्वीरमा हेर्नुहोस् कांग्रेस महाधिवेशन: