काठमाडौं–आजकल टेलिभिजनमा भन्दा पनि युट्युबमा दर्शकको संख्या उल्लेख्य बढ्दै गएको छ । विशेषत दर्शकको चासो पारिवारिक कथाका टेलिफिल्मभन्दा पनि कमेडी जनराका टेलिफिल्ममा रुची बढ्दो छ ।

विगत १० भागदेखि प्रसारण हुँदै आएको कमेडी सिरियल ‘उकुस मुकुस’लाई दर्शकले उत्तिकै रुचाइरहेका छन् । सार्वजनिक १० भागमध्ये ४ वटा भाग नेपालको युट्युब ट्रेन्डिङमा परेको छ । यो टेलिफिल्म नेपालको युट्युब ट्रेन्डिङको नवौं स्थानमा छ ।

केदारप्रसाद घिमिरे र दिलीप तामाङको पटकथा तथा संवाद रहेको टेलिफिल्ममा दिलिप तामाङ ‘हुरहुर’, वेदना राई, देवी आले, प्रकाश लिम्बु, नहकुल भट्टराई, टुल्कु तामाङ, रमेश वुढामगर, दीपक लम्साल, सोहन थापा, जयनन्द लामा, रामचन्द्र अधिकारीलगायतका कलाकारको अभिनय छ ।

टेलिफिल्ममा केदारकै लेखन सुपरिवेक्षण, लोकचन्द्र थापाको छायांकन, सुविन दाहालको सम्पादन, नहकुल भट्टराइको लगानी, दिलिप तामाङ र सितादेवी तिमिल्सेनाको निर्देशन रहेको छ ।

निर्माता भट्टराईले टेलिफिल्मले गाउँघरको विषयलाई उठान गरेकाले दर्शकले मनपराएको दाबी गरे ।