मुम्बई(अमर उजाला)– अभिनेता सुशान्तसिंह राजपूतकी पूर्व प्रेमिका अंकिता लोखण्डे उनकी व्यापारी प्रेमी विकी जैनसँग इन्गेज्ड भएकी छन् । उनले गएराती मुम्बईको एक होटलमा निकै भव्य समारोहकाबीच विकीसँग विवाहको पहिलो प्रक्रिया पुरा गरेकी हुन् ।

उनीहरुको इन्गेजमेन्टमा टेलिभिजन जगतका ठूला हस्तीको उल्लेख्य उपस्थिति थियो । इन्गेजमेन्टलाई सम्झनलायक बनाउन अंकिताले स्टेजमा विकीलाई औठी लगाइदिँदा पृष्ठभूमिमा अभिनेता सुशान्तसिंहको फिल्म ‘राब्ता’को शीर्ष गीत बजेको थियो ।

इन्गेजमेन्टमा अंकिता निलो गाउनमा देखिएकी थिइन् भने विकीले अंकितासँग मिल्ने कपडा पहिरिएका थिए । अंकिताले सामाजिक सञ्जालमा फ्यानका लागि आफ्नो संगीत तथा मेहन्दी कार्यक्रमको तस्वीर राखेकी छन् । तस्वीरमा विकीले हुने वाला श्रीमतिलाई दुवै हातले उठाएर नाँचिरहेको देख्न सकिन्छ ।

अंकिता र विकी डिसेम्बर १४ अर्थात मंगलबार मुम्बईको ग्राण्ड हायात होटलमा विवाह गर्दैछन् । उनीहरुको विवाहमा नजिकका साथीहरु र परिवारका सदस्यको उपस्थिति हुनेछ ।