१. मनतातो तोरीको तेलमा अदुवाको रस मिलाएर कपालको जरामा लगाई तातो पानीमा भिजाइएको रुमालले टाउको सेक्नाले कपाल झर्न कम भई नयाँ कपाल उम्रिन मद्दत गर्छ । यो विधि गरेपछि ३०–६० मिनेट पछि नुहाउनुपर्छ ।

२. तोरी वा जैतुनको तेलमा १–२ चम्चा धुलो खुर्सानी मिसाएर कपालको जरासम्म लगाएर मालिस गर्ने र १–२ घण्टापछि नुहाउने । यसो गर्नाले कपालको जरामा रक्तसञ्चार राम्रो भई कपाल कालो चम्किलो र मजबुत बन्नुको साथै चायाँसमेत हट्ने गर्दछ ।

३. धेरै तातो वा धेरै चिसो पानीले नुहाउँदा पनि कपाल झर्ने हुँदा जाडो मौसममा मनतातो पानीले नुहाउनु पर्दछ ।

४. दैनिक ७–८ घण्टा सुत्नुपर्दछ ।

५. अमला वा नरिवलको तेलले मालिस गर्नाले कपाल मजबुत हुन्छ ।

६. तोरीको तेलमा अण्डा र भिटामिन ई मिसाएर लगाउने र १–२ घण्टामा स्याम्पुले नुहाउने । यसो गर्नाले कपाल मजबुत र चम्किलो हुन्छ ।

७. मेथी अथवा दही पनि कपालको लागि राम्रो मानिन्छ ।

८. चायाँ हटाउनको लागि अदुवा र चुकन्दरको रस अथवा चुकन्दर र भेनेगले कपालको जरामा मालिस गर्नुपर्दछ ।

९. हेनाको पात र चुकन्दरको पात पिनेर कपालमा लगाउँदा पनि कपाल झर्न कम हुन्छ ।

साभार  : ‘एकसे एक उपचार’ पुस्तकबाट