काठमाडौँ– चन्द्रागिरि नगरपालिकाले आफ्नो मातहतका विद्यालयहरु आगामी असोज १ गतेबाट खुल्ने भएका छ । नगरपालिकाले सोमबार एक सूचना जारी गर्दै सबै किसिका विद्यालय असोज १ गतेबाट खोल्न अनुमति दिएको हो ।

बिहीबार बसेको नगरप्रमुख स्तरिय बैठकले आगमी १ गतेबाट विद्यालय खोल्न निर्णय अनुसार स्वास्थ्य सुरक्षा अपनाएर विद्यालय खोल्न लागिएको नगरपालिकाले जनाएको छ । विद्यालय सञ्चालन गर्दा सामाजिक दूरी र स्वास्थ्य मापदण्ड पूर्ण रुपमा लागूगर्नुपर्ने नगरपालिकाले जारी विज्ञप्तिमा उल्लेख गरिएको छ ।

जिल्ला कोभिड–१९ संकट व्यवस्थापन केन्द्र (डीसीएमसी) र काठमाडौँ जिल्ला प्रशासन कार्यालयले असोज १ गतेबाट विद्यालय सञ्चालन गर्न सक्ने जनाएपछि काठमाडौँ जिल्लाका अधिकांश स्थानीयतह आगामी असोज १ गतेबाट विद्यालय सञ्चालन गर्ने तयारीमा छन् ।