काठमाडौँ– साताको तेस्रो दिन मंगलबार शेयर बजार नेप्से परिसूचक १६ दशमलव ३४ अंकले बढेर २,८७१ दशमलव ०३ को विन्दुमा कायम भएको छ ।

आज दिनभरिमा २२३ वटा कम्पनीको १ करोड २३ लाख ४८ हजार ३८९ कित्ता शेयर किनबेच हुँदा ५ अर्ब ५४ करोड ६३ लााख रुपैयाँको कारोबार भएको छ । आज लाइफ इन्स्योरेन्स उपसूचक बाहेक सबै उपसूचक बढेका छन् ।

आजज सबैभन्दा धेरै नेपाल बङगलादेश बैंकको ४५ करोड ४७ लाख, नेपाल लाइफ इन्स्योरेन्स कम्पनीको २३ करोड ३५ लाख, एनआइसी एशिया बैंकको १९ करोड ९५ लाख, निर्धन उत्थान लघुवित्तको १९ करोड ९० लाख, नबिल बैंकको १८ करोड ३० लाख र मञ्जुश्री फाइनान्सको १७ करोड ६८ लाख रुपैयाँको शेयर कारोबार भएको छ।

आज सेन्ट्रल फाइनान्स कम्पनी र मञ्जुश्री फाइनान्स कम्पनीका लगानीकर्ताले सबैभन्दा धेरै प्रतिशतका दरले कमाएका छन् ।

त्यसैगरी सबैभन्दा धेरै सानिमा लार्ज क्याप फण्डका इकाइधनी, सिइडिबी हाइड्रोपावर र इन्फिनिटी लघुवित्तका लगानीकर्ताले १ दशमलव ४३ प्रतितका दरले गुमाएका छन् ।