सुनसरी- सुनसरीको इटहरी उप–महानगरपालिकाबाट प्रहरीले लागुऔषध खैरो हेरोइनसहित एक जनालाई पक्राउ गरेको छ ।
प्रक्राउ पर्नेमा तेह्रथुम घर भएका ३४ वर्षीय दुर्गाबहादुर रसाइली छन् ।
जिल्ला प्रहरी कार्यालय सुनसरीका अनुसार रसाइलीलाई इटहरी उप–महानगरपालिका–४ बाट आइतबार साँझ पक्राउ गरिएको हो । उनको साथबाट प्रहरीले ५३ दशमलव २ ग्राम खैरे हेरोइन, डिजिटल तराजु र ९८ हजार नगद बरामद गरेको छ ।
लागुऔषध नियन्त्रण ब्यूरो शाखा कार्यालय विराटनगर र इलाका प्रहरी कार्यालय इटहरीबाट खटिएको टोलीले रसाइलीलाई पक्राउ गरेको हो । अहिले उनीमाथि थप अनुसन्धान भइरहेको प्रहरीले जनाएको छ ।
प्रतिक्रिया