काठमाडौं–गीतकार निशा शर्मा अर्यालको गीत ‘यस्तो माया’को भिडियो युट्युबमा २० लाख बढी दर्शक पाएको छ । दर्शकको संख्या बढेसँगै यसले सकारात्मक प्रतिक्रियाहरु पनि पाइरहेको छ ।

गीतमा प्रताप दास र बेनिशा पौडेलको स्वर तथा दीपक शर्माको संगीत छ ।

क्यानाडामा बस्दै आएकी निशा पहिलो गीतलाई दर्शकले मनपराइदिएकोमा खुशी छिन् । उनलाई फेसबुकमा पनि शुभचिन्तकले बधाई तथा शुभकामना दिइरहेका छन् ।

विधान कार्की निर्देशित भिडियोमा पल शाह र उषा उप्रेती फिचर्ड छन् । उनीहरुको क्यामेष्ट्री निकै सुहाएको छ ।

भिडियोमा उत्सव दाहालको छायांकन, विकास दाहालको सम्पादन, नन्दा अधिकारीको मेकअप छ । गीतकार अर्याल संगीतकार दीपक तथा गायक रामकृष्ण ढकालको स्वरमा चाँडै नै ‘जे भयो ठिकै भयो’ गीत बजारमा ल्याउने तयारीमा छिन् ।