सामग्री–

१ किलो चिकेन सानो पिस गरेको, अदुवा लसुन पेष्ट १ चम्चा मगज पेष्ट, १५० ग्राम प्याज पिँधेको । १५० ग्राम गोलभेँडा पिँधेको, पेस्ता दाना १०/१२ वटा पिँधेको, मरिचको धुलो एक चौथाई चिया चम्चा, वटर र पिनटको पेष्ट १ चम्चा, भेडे खोर्सानी २ वटा मसिनो गरी काटेको, १ चम्चा सोयासस, भेनेगर १०० ग्राम, क्रिम, दूध, जिरा, धनियाँ, बेसार, नुन, अजिनोमोटो इच्छानुसार ।

बनाउने विधि–  

चिकेनलाई नुन सोयासस भेनेगर राखी हल्का फ्राई गरेर झिक्नु । भाँडोमा तेल राखी प्याजलाई हल्का रातो हुनेगरी फ्राई गर्ने अनि गोलभेँडा, अदुवा, लसुन र अन्य मसला सबै राखी केही बेर भुट्ने । अब चिकेन राखी ४/५ मिनेट छोपेर पकाउनु र क्रिम, दूध, भेडेखोर्सानी, धनियाँ राख्नु । अब चिकेन युनिभर्सल ग्रेवी तयार भयो ।

साभार : ‘सजिलो कुकिङ’ पुस्तकबाट