काठमाडौँ– नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले आफूलाई मार्न षडयन्त्र भए पनि जनताले बचाएको बताएका छन् ।

शनिबार एक पुस्तक विमोचनमा बोल्दै प्रचण्डले भने, ‘मलाई शत्रुले मार्न खोजे पनि जनताले बचाइरहेका छन् ।’

प्रचण्डले आफूले उठाएको आन्दोलन किसान, मजदुर , दलित, जनजाति, भूमीहिन, महिला तथा सीमान्तकृत लगायत जनताको पक्षमा रहेको र उनीहरूको हकका लागि लडेकाले जनताले आफूलाई सदैव जोगाइरहेको बताए ।

अध्यक्ष प्रचण्डले फेरि एक पटक सत्य, न्याय, गणतन्त्र, संविधान र उपलब्धीहरू संस्थागत गर्न आवाज उठाउने बेला भएको भन्दै जून वर्गका लागि आफूले लडेको थिएँ ति वर्गका अधिकार सुनिश्चित भएकी भएनन् भन्ने चिन्ता आफूलाई रहेको बताए ।

पछिल्लो राजनीतितर्फ लक्षित गर्दै उनले कतिपयलाई प्रधानमन्त्रीको लोभ लागेको बेला आफूलाई भने प्रधानमन्त्रीको लोभ नभएको जिकिर गरे।

‘मलाई प्रधानमन्त्री बन्ने कुनै लोभ छैन । मैले उठाएका मुद्दा स्थापित होस् भनेर मेरो लडाई जारी छ। मैले सिंगो जीवन जनताको अधिकारको पक्षमा लड्न समर्पण गरेको छु ।