काठमाडौँ– पछिल्लो २४ घण्टामा काठमाडौं उपत्यकामा २४६ जना कोरोनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार काठमाडौंमा १८९ , ललितपुरमा ३८ र भक्तपुरमा १९ जनामा कोरोना भाइरसको संक्रमण देखिएको हो।

यो सँगै काठमाडौँ उपत्यकामा कोरोना संक्रमितको संख्या  १ लाख २३ हजार ५३० पुगेको मन्त्रालयले जनाएको छ ।

मन्त्रालयको तथ्यांक अनुसार हालसम्म काठमाडौंमा मात्र ९९ हजार ३३९ जना संक्रमित भएका छन् । जसमध्ये ४८३ जनाको मृत्यु भएको छ भने ९६ हजार ५५१ जना निको भएका छन्।

यसैगरी ललितपुरमा हालसम्म कोरोना संक्रमितको संख्या १५ हजार ६८२ पुगेको छ । जसमा १५२ को मृत्यु भएको छ भने १५ हजार २४० जना निको भएका छन्।

यसैगरी भक्तपुरमा हालसम्म कोरोना संक्रमितको संख्या ९ हजार ८२ पुगेको छ । जसमा १११ जनाको मृत्यु भएको छ भने ८ हजार ८६९ जना निको भएका छन्।

हाल काठमाडौंमा २ हजार ३०५ ललितपुरमा २९० र भक्तपुरमा १०२ जना सक्रिय संक्रमित रहेको मन्त्रालयले जनाएको छ।