१. सफल कृषक

किशोर अवस्थामै आइज्याक न्युटनले आमाको अनुरोधमा स्कुल छाडेका थिए । उनकी आमाले उनी सफल कृषक बन्ने आशा गरेकी थिइन् ।

२. तपाईंको तौल

यदि न्युट्रोन नामको तारामा जानुभयो भने तपाईंको तौल यहाँ पृथ्वीमा कति छ त्यो भन्दा १०,००० मिलियन गुणा बढी गह्रौँ हुन्छ किनभने त्यहाँको गुरुत्वाकर्षण शक्ति बढी छ । स्मरण रहोस् १ मिलियन बराबर १० लाख हुन्छ ।

३. बारुदको जन्मदाता

सबैभन्दा पहिला सन् १०४४ सालमा चिनियाँ रसायनशास्त्री वू चिङ्ग साओ याओले बारुदको सूत्र पत्ता लगाएका थिए ।

४. पृथ्वीको परिक्रमा

पृथ्वीले सूर्यलाई प्रतिघण्टा १,०७,००० किलोमिटरको गतिमा परिक्रमा गरिरहेको हुन्छ ।

५. फ्रिज

एस्किमो जातिहरु हिउँमा बस्ने जाति हुन् । उनीहरुले आफ्ना खानेकुरालाई बरफ हुनबाट जोगाउन फ्रिज प्रयोग गर्ने गर्छन् ।

साभार : ‘रोचक तथा ज्ञानवर्द्धक तथ्यहरु’ पुस्तकबाट