खानपानको शोख राख्नेहरूलाई फुटपाथका ठेला पसलदेखि ५ तारे होटेलसम्मको खानाको मेन्यु र तिनका मूल्यबारे थाहा होला ।

ठुला होटेलमा खानाको मूल्य महँगो हुन्छ । तर अधिकांश खानाको मूल्य तपाई हामीले सोचे अनुसार कै हुन्छ । तर बेलायतकी एक महिला भने ५ तारे होटेलमा खाएको खानाको बिलका कारण आक्रोशित भइन् ।

बेलायत निवासी ती महिलाले सामाजिक सञ्जालमा खानाको तस्बिर शेयर गर्दै आफूमा भएको बेइमानीको उजागर गरेकी छन् । रबिना नामक महिला आफ्नो प्रेमीका साथमा बेलायतको ५ तारे होटेल ’द शार्ड’मा डेट गएको बेला खाना अर्डर गरे ।

उनीहरूले होटेलमा खाना अर्डर गरेका थिए । तर उनीहरूले खानामा केवल कुखुराको मासुको सानो टुक्रा, एक आलु र अलिकति ब्राउन सस पाए । जो खाना त खाजा भन्न समेत लायक थिएन । तर यसको मूल्य भने ३० यूरो अर्थात् करिब ४ हजार १ सय नेपाली रुपैयाँ पर्यो ।

प्लेटमा आएको खाना देखेपछि ती महिला रिसाइन् । उनले आफ्नो रिस पोख्न ट्विटरको सहारा लिँदै होटेलले आफूमाथि गरेको बेइमानीको उजागर गरिन् । उनले केही फ्राइजकोसमेत ५ यूरो अलग्गै तिरेको जानकारी दिएकी छन् ।