काठमाडौं– अभिनेत्री शिल्पा पोखरेल अभिनित भोजपुरी फिल्म ‘प्रेमगीत २’को ट्रेलर सार्वजनिक भएको छ ।

रत्नाकर कुमारको प्रस्तुतिमा पशुपतिनाथ प्रोडक्शनको व्यानरमा निर्माण भएको फिल्ममा भोजपुरी सुपरस्टार प्रदीप पाण्डे चिन्टुको अपोजिटमा शिल्पा छिन् ।

दुई मिनेट ४० सेकेण्डको ट्रेलरमा प्रदीप र शिल्पाको रोमान्सलाई प्राथमिकता दिइएको छ । ट्रेलरमा रोमान्स, रोमाञ्च र द्वन्द्वलाई देखाइएको छ ।

फिल्ममा सोनु खत्रीको निर्माण र निर्देशन छ । उनको यो तेस्रो फिल्म हो । यसअघि उनले ‘प्रेम गीत’ र ‘जय शम्भु’को निर्देशन गरेका थिए ।

फिल्ममा प्रदीप र शिल्पासँगै अमित शुक्ला, सीपी भट्ट, रोहित सिंह मटरू, सुधा झा, इंद्रासनी मिश्रा, रंजीत शर्मा, बबलू खान, अजय कुमारको अभिनय छ ।

निर्माताका रुपमा उनले फिल्म ‘निरहुआ चलल लण्डन’ निर्माण गरेका थिए । विनोदकुमार ठाकुर सह–निर्माता रहेको फिल्ममा एबी मोहनको लेखन, ओम झाको संगीत, हरि घले लामाको छायांकन, श्री श्रेष्ठको द्वन्द्व, कविराज गहतराज, शिव बिके, रिक्की गुप्ता, विवेक थापाको कोरियोग्राफी र बन्दे प्रसादको सम्पादन छ ।