काठमाडौँ- राष्ट्रिय महिला आयोगले बैतडीकी १७ वर्षीया किशोरी भागरथी भट्टको हत्यामा संलग्नलाई कानूनी कारबाहीको दायरामा ल्याउन अपिल गरेको छ ।

शुक्रबार काठमडौंमा पत्रकार सम्मेलन गर्दै आयोगले पीडित परिवारको सुरक्षा, संरक्षण र क्षतिपूर्तिका लािग सरकारसँग माग गरेको हो।

आयोगले मानसिकरुपमा विक्षिप्त रहेकी पीडितकी आमाको सुरक्षा र संरक्षणमा विशेष ध्यान दिन आयेगले सरकारसँग अपिल गरेको छ।

उक्त घटना घटना अत्यन्त निन्दनीय, दुखद् भएको जनाउँदै घटनाको घोर भत्सर्ना गरेको आयोगकी प्रवक्ता शान्ता अधिकारीले बताइन ।

हेरौँ भिडियो

पत्रकार सम्मेलनमा आयोगकी अध्यक्ष कमला पराजुलीले महिला हिंसा न्यूनीकरणमा आयोग दिर्घकालीन योजना बनाउन लागेको जानकारी दिइन ।

बैतडी दोगडाकेदार ७ की भगिरथी भट्टको गत माघ २१ गते बलात्कार पछि हत्या भएको थियो।