काठमाडौँ- ग्वाटेमाला प्रहरीले १२६ जना आप्रवासीको उद्धार गरेको छ । अवैध बाटो भएर अमेरिका लैजाने एजेन्टले ग्वाटेमालाको नुएभा कन्सेप्सन र कोकालेस सहरको बीच क्षेत्रमा कन्टेनरमै छाडेका उनीहरुको प्रहरीले उद्वार गरेको हो ।
उद्धार गरिएका मध्ये केही नेपाली नागरिक समेत रहको बीबीसीले जनाएको छ ।
कतिजना नेपाली नागरिक छन् भन्ने एकिन खुलाइएको छैन । समाचारमा जनाइए अनुसार उनीहरुलाई मेक्सिको हुँदै अमेरिका लैजाने भनेर एजेन्टले बाटामै छाडिदिएका थिए ।
प्रहरी अधिकारीले आफूहरुले कन्टेनरभित्र कराइरहेको सुनेको र ढोका खोल्दा १२६ जना कागजात नभएका मानिस भेटिएको बताएका छन्।
प्रतिक्रिया