काठमाडौँ– रुपन्देहीको मोतीपुरमा स्थानीय र प्रहरीबीच झडप भएको छ ।
सुकुम्बासी भनेर जग्गा अतिक्रमण गर्न पुगेका स्थानीयमाथि प्रहरीले गोली चलाएको छ।
मोतीपुर औद्योगिक क्षेत्रमा जग्गा अतिक्रमण गर्न पुगेका स्थानीयमाथि प्रहरीले गोली चलाएर भिडलाई तिरवितर पारेको हो।
स्थानीयले ढुंगा मुढाले प्रतिकार गरेका छन्। प्रहरीको गोली लागेर केही स्थानीयहरु घाइते भएको बताइएको छ। अहिले घटनास्थल तनावग्रस्त बनेको छ।
प्रहरीले अस्थायी रुपमा बनाइएका टहराहरु भत्काउन खोज्दा झडप भएको हो। झडपमा परी दुई जना घाइते भएका छन् भने दुई जनालाई प्रहरीले पक्राउ गरेको छ।
झडपमा प्रहरीले अत्यधिक बल प्रयोग गरी दुई राउण्ड गोली चलाएको स्थानीयले आरोप लगाएका छन्।
प्रतिक्रिया