मुम्बई(बलिउड लाइफ)– लकडाउन खुकुलो भएसँगै बलिउड एकपटक पुनः आफ्नो बाटोमा फर्किएको छ । बलिउडका दिग्गज निर्देशकहरुले आफ्नो नयाँ फिल्मका लागि कास्टिङ सुरु गरिसकेका छन् ।
यही मेसोमा अभिनेता राजकुमार रावले एक नयाँ फिल्ममा हस्ताक्षर गरेका छन् । यो फिल्म उनको करियरकै पहिलो एक्सन फिल्म हुनेछन् ।
यो फिल्ममा धेरै एक्सन दृश्य र स्टन्ट हुनेछ । जसका लागि राजकुमारले महिनौं अघिदेखि तालिम र तयारी सुरु गरिसकेका छन् । फिल्ममा राजकुमारले आफ्नो मार्सल आर्ट कला पनि देखाउनेछन् ।
बलिउडमा राजकुमार कमेडी र लभर ब्वाइका रुपमा चिनिन्छन् । राजकुमारले केही समय अघि मात्र फिल्म ‘बधाई दो’को सुटिङ पुरा गरिसकेका छन् । यो फिल्ममा उनको अपोजिटमा भूमि पेडनेकर छिन् ।
प्रतिक्रिया