जुत्ता

प्रेमी : तिम्रो पिताजीसँग विवाहको बारेमा कहिले कुरा गरौँ ?
प्रेमिका : जब उनको खुट्टामा जुत्ता हुँदैन ।

मालिक

प्रेमी : मैले यो कप दौड प्रतियोगितामा जितेको हुँ ।
प्रेमिका : यस दौडमा को को दौडेका थिए ?
प्रेमी : एक म र एक कपको मालिक ।

नर्क जानु

एउटा पियक्कड व्यक्ति दिउँसै झुम्म हुँदै सार्वजनिक बसमा चढ्यो । यताउता हेरेर ऊ खाली सिटमा गएर बस्यो । छेउको सिटमा गेरु वस्त्र लगाएका एक विशिष्ट गुरु बसेका थिए ।

पियक्कडको हालत देखेर ती व्यक्तिले भने— तपाईं जुन बाटो हिँडिरहनुभएको छ त्यो सिँधै नर्कमा जान्छ । किन यस्तो काम गर्नुहुन्छ ?

पियक्कडले चिच्याउँदै भन्यो— ए ड्राइभर, गाडी रोक । मलाई नर्क जानु छैन ।

साभार : ‘भद्रगोल, हँसाउने चुट्किला’ पुस्तकबाट