हजारौं बर्षदेखि धार्मीक विश्वासमा मानिस आफ्नो इच्छा पूरा गर्न व्रत–तप गर्दै आएका छन् । धार्मीक कथा अनुसार भक्तिबाट प्रसन्न भई भगवान भक्तलाई दर्शन दिन्छन् र इच्छा सोधेर वरदान दिन्छन् । तर समयक्रम मानिसहरु आफ्नो चाह पुरा गर्न कर्ममा विश्वास गर्दै कमाइले त्यसको प्राप्ती गर्न थाले । तर जिम्बाबेमा भने अनौठो घटना भएको छ ।

सेन्ट्रल जिम्बाब्वेको रिसेन सेन्ट्स चर्चमा काम गर्ने मार्क मुरादजीरालाई आफ्नो तपबाट परमेश्वरले दर्शन दिने विश्वास भयो । उनी परमेश्वर दर्शन दिन प्रकट हुदाँ लेम्बोर्गिनी कार माग्न चाहान्थे । र सो कार उनी आफ्नी प्रेमिकालाई उपहार दिएर खुसी बनाउन चाहान्थे ।

५ करोड भन्दा बढि मुल्यबाट शरु हुने लेम्बोर्गिनी कारको प्राप्तीकालागि उनले दिन–रात व्रत बसे । कतिसम्म भने उनले खान पिउन समेत छाडे । उनी परमेश्वरलाई खुसी पार्न पुरा ४० दिने व्रतमा बसे । तर ३३ औ दिनमा उनलाई रिंगटा लागि ढले । समयमै अस्पताल पुर्याएकाले अत्यन्त कठिन अवस्थाका बावजुद उनलाई चिकित्सकले बचाए ।

२७ बर्षिय मार्क ३३ दिनदेखि खोजिमा थिए । उनलाई अन्तिम पटक देख्ने मानिसले उनी परमेश्वरसंग लेम्बोर्गिनी माग गर्ने सोचमा रहेको बताए । तर ३३ दिनमा उनलाई खोज्दा बेहोश भई मृत्युको मुखमा पुगेको अवस्थामा उनलाई भेटिएको थियो ।

बेरोजगार मार्क आफ्नी प्रेमिकालाई लेम्बोर्गिनी कार दिन चाहान्थे । तर उनीसंग पैसा थिएन । जसका कारण मार्कले तपस्या गरी परमेश्वरसंग कार लिने विचार गरे । तर उनको यो चाहना अधुरो भयो । बरु उल्टै झण्डै यमराजको दर्शन गर्नुपर्याे ।