काठमाडौं– सामाजिक विषयबस्तुमा आधारित सर्ट फिल्म ‘द डटर’ले तीनवटा विधामा अवार्ड जितेको छ । काठमाडौंको चाबहिलस्थित चलचित्र विकास बोर्डमा भएको चौथो संस्करणको ‘पिम नेपाल फिल्म फेस्टिभल–२०२१’ मा सट फिल्मको प्रतिस्पर्धामा ‘द डटर’ले तीनवटा अवार्ड जितेको हो ।

फेस्टिभलमा ‘द डटर’बाट ‘सट फिल्म’ विधामा प्रवण भुषलले ‘सर्वोत्कृष्ट नायक’, गायिका तथा अभिनेत्री सरिता भारतीले ‘सर्वोत्कृष्ट अभिनेत्री’ र प्रेम पाण्डे’ले ‘ज्ञसर्वोत्कृष्ट चरित्र अभिनेता’को अवार्ड जिते ।

प्रवणकै कथा रहेको फिल्ममा छोरी जन्माउन नचाहेकी एक आमालाई श्रीमान र डक्टरले छोरीको बारे सकारात्मक प्रभाव पारेर छोरी जन्माउन इच्छुक बनाउँछन् । ती महिलालाई समाजमा छोरी सुरक्षित छैन भन्ने भयले छोरी जन्माउने चाहना हुँदैन ।

फिल्मको यो कथालाई अभिनेता प्रवणले लेखेका हुन् । जसमा पटकथा, संवाद र निर्देशन डब्बु क्षत्रीको रहेको छ । ‘द डटर’मा विशाल प्रजापतिको छायांकन, साहिल खानको सम्पादन, राजेन्द्र बजगाईंको पाश्र्व संगीत, रेनिश फागोको रंग संयोजन, मुकेश शाहको ध्वनी मिश्रण र गणेश बुढाथोकीको पब्लिसिटी रहेको छ ।

फिल्ममा प्रवण, सरिता, प्रेमसँगै ऋतु कोइराला, सुवास खडका, सुष्मा राई, लेखराज दाहाल, बेबी रोजा ढकाल, गंगा ठाकुुर र अप्रिसा भुषालको अभिनय छ । विलक्षण क्रियसनको व्यानरमा बनेको यो फिल्म अप्रिसाले निर्माण गरेकी हुन् ।

यो महोत्सवमा ३५ वटा भन्दा बढी सट फिल्म चयन तथा अनलाइनबाट प्रदर्शन भएका थिए ।