मुम्बई(बलिउड हंगामा)–कलर यलो प्रोडक्सनका लागि अनिरुद्ध अय्यरले निर्देशन गर्न लागेको नयाँ फिल्म ‘एक्सन हिरो’मा अभिनेता आयुष्मान खुराना जोडिएका छन् । एक्सन जनरामा आयुष्मानको लागि पहिलो फिल्म हुनेछ ।

‘आयुष्मान पूर्ण रुपमा यो फिल्ममा एक्सन हिरोको भूमिकामा फिट छन् । यो टी–सिरिज र आयुष्मानबीच चौथो सहकार्य पनि हो । यो समूहमा आबद्ध सबैजनाका लागि विशेष पनि बनेको छ’, निर्माता भुषण कुमारले भनेका छन् ।

अभिनेता आयुष्मानले तेस्रोपटक आनन्दसँग सहकार्य गर्न लागेका हुन् । ‘आनन्द सरसँग सहकार्यलाई लिएर रोमाञ्चित छु । आशा छ कि एक्सन हिरोको रुपमा विश्वभरका दर्शकलाई मनोरञ्जन दिन हाम्रो ट्रेक रेकर्ड हुनेछ’, आयुष्मानले भनेका छन् । फिल्मको छायांकन भारत र यूकेमा हुनेछ ।