काठमाडौँ– चीनको सवारी निर्माता चांगन अटोमोबाइलले हुवावे र सीएटीएलसँगको संयुक्त साझेदारीमा ‘अविता’ नामक विद्युतीय सवारी साधनको सार्वजनिक गर्ने भएको छ ।

यस ब्रान्डको पहिलो गाडीको नमुनालाई ‘अविता ई ११’ नाम दिइएको छ। कम्पनीका अनुसार संयुक्त साझेदारीमा अविता ई ११ गाडीको विकास भएको हो। यो ब्रान्डको गाडीहरुमा, उच्चस्तरीय बौद्धिक विद्युतीय सञ्जालको प्रयोग हुनेछ, जुन चांगन, हुवावे र सीएटीएलको संयुक्त सहकार्यबाट सम्भव भएको हो।

यो सञ्जाललाई ‘सीएचयन’ नाम दिइएको छ, जुन तीन कम्पनीको नामहरु बाट संक्षिप्त गरिएको हो ।

अविता ई ११ मा चांगनको उच्चस्तरीय उद्योग सामग्री प्रयोग गरी उत्पादन गरिएको कम्पनीको दाबी छ ।

हुवावेले यस गाडीको पूर्ण स्ट्याक स्मार्ट कार समाधान र सीएटीएलले ब्याट्रीको प्रविधिको उत्पादन गरेका छन्। यो गाडीको नमुनालाई एक मध्यम आकारको विद्युतीय एसयूवीको दर्जा दिइएको छ।