काठमाडौँ– प्रधानसेनापति प्रभुराम शर्माले पद तथा गोपनीयताको शपथ लिएका छन् ।
शर्माले राष्ट्रपति विद्यादेवी भण्डारी समक्ष शीतल निवासमा आयोजित एक समारोहकाबीच शपथ ग्रहण गरेका छन् । शर्मालाई राष्ट्रपति भण्डारीले दर्ज्यानी चिह्न लगाइदिएकी छन् ।
नेपाली सेनाका परमाधिपतिसमेत रहेकी राष्ट्रपति भण्डारीले गत भदौ ११ गते शर्मालाई भदौ २४ गतेबाट लागू हुने गरी प्रधानसेनापति नियुक्त गरेकी थिइन् । मन्त्रिपरिषद्ले नेपालको संविधानको धारा २६७ को उपधारा (५) बमोजिम शर्मालाई नियुक्त गर्न सिफारिस गरेको थियो ।
शर्मा २०८१ भदौ २४ सम्म प्रधानसेनापति रहेर काम गर्नेछन् ।
तस्वीर : रासस
प्रतिक्रिया