काठमाडौं–गायक श्याम गुरुङ र गायिका बुनु श्रेष्ठको स्वर रहेको गीत ‘बुलबुल तालैमा’ को भिडियो सार्वजनिक भएको छ ।

२०५२ सालमा रेडियो नेपालमा प्रथम भएको यो गीतको २०५४ सालमा रि–रेकर्डिङ गरिएको हो । त्यो समयमा यो गीतको चार लाख बढी अडियो बिक्री भएको थियो ।

गायक श्याम हाल अमेरिमामा छन् । कृष्ण थापा र श्याम गुरुङको शब्द रहेको यस गीतमा श्याम गुरुङको नै संगीत रहेको छ । गीतमा रिदम कँडेलको एरेन्ज छ ।

भिडियोमा सुधीर श्रेष्ठ, महादेव त्रिपाठी, यांगशु श्रेष्ठ र आकांक्षा तामाङ फिचर्ड छन् । भिडियोमा होचा व्यक्ति मनोज विकको पनि अभिनय छ ।

भिडियोमा रामकुमार केसीको छायांकन, गौतमराज खड्काको सम्पादन तथा दीपेन्द्र शाही ठकुरीको कोरियोग्राफी छ । भिडियोका निर्देशक खिलबहादुर गुरुङ हुन् ।

स्टुडियो साउण्ड मिलको अफिसियल युटयुब च्यानलमार्फत सार्वजनिक गीतमा महेश्वरमान राजभण्डारीको मिक्सिङ तथा मास्टरिङ रहेको छ ।