काठमाडौँ– विभागीय टिम एपीएफ क्लबले सातौं संस्करणको प्रधानमन्त्री कप महिला भलिबल प्रतियोगिताको उपाधि जितेको छ ।
मंगलबार साविक विजेता नेपाल पुलिस क्लबलाई सोझो सेटमा पराजित गर्दै एपिएफले उपाधि उचालेको हो।
नेपालगन्जस्थित रंगशाला परिसरमा भएको फाइनलमा एपीएफले पुलिसलाई ३–० को सोझो सेटमा पराजित गर्न सफल भयो । एपिएफले उपाधि जित्ने क्रममा अपराजित रहँदै १२ अंक जोड्यो । उविजेता बनेको पुलिसले ८ अंक बनायो ।
पहिलो सेट २५–२२, दोस्रो २५–२१ र तेस्रो सेटमा एपिएफले पुलिसलाई २५–१९ ले हराउँदै उपाधि जित्न सफल भएको हो ।
प्रतिक्रिया