काठमाडौँ– सरकारले संरक्षित क्षेत्र विस्तार गर्ने तयारी गरिरहेको छ । मध्यपहाडी क्षेत्रमा संरक्षित क्षेत्र विस्तार गरेर वन्यजन्तु जोगाउन र पर्यापर्यटन विकासका लागि संरक्षित क्षेत्रको क्षेत्रफल बढाउने तयारी भएको हो ।

हिमाली क्षेत्र र तराई भूभागमा संरक्षित क्षेत्र विस्तार भए पनि पहाडी क्षेत्रमा भने शिवपुरी राष्ट्रिय निकुञ्जमात्रै छ । पहाडी क्षेत्रमा पनि संरिक्षत क्षेत्र विस्तार गरेर पर्यापर्यटन बढाउने सरकारको नीति रहेको छ ।

संरक्षित क्षेत्र विस्तार भएपछि वन पैदावार प्रयोगमा प्रतिबन्ध लाग्ने भन्दै उनीहरूले विरोध गरेका हुन् ।

प्राकृतिक स्रोतको उपभाग गर्न पाउने गरी खुकुलो कानुनी व्यवस्थामा टेकेर संरक्षित वनको रुपमा विस्तार गर्न भन्ने विषयमा छलफल भइरहेको राष्ट्रिय निकुञ्ज तथा वन्यजन्तु संरक्षण विभागले जनाएको छ ।

विभागका पूर्व महानिर्देशक गोपालप्रकाश भट्टराईले संरक्षित क्षेत्र सकेसम्म बढाउन सके धेरै राम्रो हुने बताए ।

राष्ट्रिय निकुञ्ज तथा वन्यजन्तु संरक्षण ऐन, २०२९ अनुसार १० ओटा राष्ट्रिय निकुञ्ज, तीन वन्यजन्तु आरक्ष, एक शिकार आरक्ष र छ संरक्षण क्षेत्र रहेका छन् ।

नेपालको भू–भागको २३.३९ प्रतिशत अर्थात ३४ हजार ४ सय २० वर्गकिलोमिटर संरक्षण क्षेत्रले ओगटेको सरकारी तथ्यांकले बताएको छ ।