मुम्बई(अमर उजाला)– सन् ८० र ९० को दशकमा बलिउडमा हरर फिल्मको ‘मुकुट’ मानिने रामसे ब्रदर्समध्ये एक कुमार रामसेको निधन भएको छ । उनको ८५ वर्षको उमेरमा निधन भएको हो ।

सन् २०१९ मा रामसे ब्रदर्समध्येका एक श्याम रामसेको ६७ वर्षको उमेरमा निधन भएको थियो । श्याम रामसेका सात भाइ थिए । यी सबैजनालाई रामसे ब्रदर्सका रुपमा चिनिन्थ्यो ।

रामसे ब्रदर्सको बायोग्राफी ‘डन्ट डिस्टर्ब द डेड–द स्टोरी अफ द रामसे ब्रदर्स’ अनुसार उनको परिवार १९४७ मा मुम्बई आएका थिए । मुम्बई आएर रामसेका पिताले पहिलो इलेक्ट्रोनिक पसल खोले । तर हिन्दी फिल्मको ग्ल्यामरले उनलाई आकर्षित गर्यो । त्यसपछि रामसे ब्रदर्सका सातै भाइले पिताको पाइला पछ्याउदै फिल्म बनाउने काम सुरु गरे ।

रामसे ब्रदर्समध्येका तुलसी र श्यामले हरर फिल्ममा चासो देखाए र हलिउडको कपी गर्दै इण्डिया मसला मिसाएर हरर फिल्म बनाउन सुरु गरे । यी दुईले बलिउडमा हरर फिल्मको ट्रेण्ड सुरुवात गरे ।

रोमान्टिक फिल्मको जगजगी भएको समयमा उनीहरुले भूत, प्रेत, आत्म र राक्षसको कथालाई फिल्ममा सुरुवात गरे । जुन छोटो समयमा नै लोकप्रिय बनेको थियो