भारतको एउटा विश्वविद्यालयमा कुलपति भएका बेला डा. हुसेनका एक घनिष्ट मित्रले सोधे— तिमी एक मुसलमान भएर पनि धर्म निरपेक्षतामा अडिग छौ । अनि शिक्षा–शिक्षा भनेर मरिहत्ते गर्छाै । व्यावसायिक शिक्षामा हुरुक्कै हुन्छौ । किन ?

डा. हुसेनले भने— अहिलेसम्म कसैले पनि यसरी सोध्ने साहस गरेको थिएन । तिमीले सोधिहाल्यौ । ल सुन, समाजमा सुख, शान्ति र उन्नति गर्नुबाहेक धर्मको निचोड हुन्छ । धर्मको मर्मलाई सही ढङ्गले कार्यान्वयन गर्ने काम शिक्षाकै हो । नयाँ पुस्तालाई शिक्षित बनाउनुपर्छ ।

हाम्रोजस्तो देशका लागि व्यावसायिक शिक्षातर्फ अग्रसर गराउन सकिएन भने मुलुकको विकास चकनाचुर हुन्छ । जनताको पेटमा मुसा दौडन्छन् । यसपछि धर्मको मर्म उल्टो दिशातिर घुम्न जान्छ ।

त्यसकारण कुनै पनि धर्मको संरक्षण गर्न त्यस देशका नागरिक शिक्षित नभई हुँदैन र उचित शिक्षाबिना सभ्य समाजको कल्पना पनि गर्न सकिन्न ।

साभार : ‘विश्वका उत्कृष्ट प्रेरक प्रसङ्ग’ पुस्तकबाट