बेइजिङ(बलिउड लाइफ)– कोभिड महामारीको समयमा फिल्म निर्माताहरुले ठूलो नोक्सानी व्यहोर्नु परिरहेको छ । यो समयमा कम फिल्म रिलिज भए र केही अपवादबाहेक फिल्मले लगानी उठाए । लगानी उठाएका फिल्मको समानता के छ भने ती फिल्ममा ठूला स्टारको अभिनय छ ।

अभिनेता विन डिजललाई हलिउडको सलमान खान नै भनिन्छ । जसको अभिनयबाट विश्व नै प्रभावित छ । विनले कोरोना महामारीमा आफ्नो ‘फास्ट एण्ड फ्यूरियस ९’ जस्तो एक्सन फिल्म रिलिज गरे । यो सिरिजमा विनको गाडीको एक्सन निकै चर्चामा छ ।

मे १९ मा ग्लोबल मार्केटमा रिलिज भएको यो फिल्मले चीनमा बम्पर कमाई गरेको छ । यो फिल्ममा निर्माताले करिब २ सय मिलियन डलर लगानी गरेका छन् । फिल्मले हालसम्म बक्सअफिसमा २ सय ५० मिलियन बढी कमाइ गरिसकेको छ ।

फिल्मले थिएटरमा २ सय ५५ दशमलब ७६ मिलियनको कमाइ गरेको छ । जसमध्ये २ सय ३ मिलियन रुपैंयाँ चीनको कलेक्सन हो ।

फिल्मलाई निर्माताले जुन २५ मा अमेरिकी बजारमा रिलिज गर्दैछन् । फिल्मले विश्वव्यापी सफलता पाइरहँदा आन्तरिक बजारमा पनि उस्तै सफलता पाउने व्यापार विश्लेषकको बुझाई छ ।

फिल्मको समीक्षाको कुरा गर्दा समीक्षकले राम्रो समीक्षा दिएका छैनन् । यो फिल्मलाई सिरिजकै सबैभन्दा कमजोर फिल्म मानेका छन् ।