काठमाडौँ– शेयर बजार परिसूचक नेप्सेमा आज सामान्य वृद्धि भएको छ । शेयर कारोबार हुने हप्ताको अन्तिम दिन आज नेप्से २.७४ अंकले बढेर २६७४.३५ विन्दुमा पुगेको छ ।
बिहीवार बैंकिङ समूहको शेयर झण्डै दुई अंकले, विकास बैंकको २० अंकले, होटल तथा पर्यटनको २९, फाइनान्सको ३९, माइक्रोफाइनान्सको एक सय ६ र जीवन बीमा समूहको शेयर ९२ अंकले बढेको छ ।
बिहीवार २०७ कम्पनीका १ करोड ३३ लाख कित्ता शेयर ६ अर्ब ५५ करोड ६६ लाख रुपैयाँमा किनबेच भएको छ । सबैभन्दा धेरै माथिल्लो तामाकोशी जलविद्युत् कम्पनीको ३७ करोड रुपैयाँको शेयर किनबेच भएको छ ।
ग्रीन लाइफ हाइड्रो, ज्योति लाइफ इन्स्योरेन्सलगायत ६ कम्पनीको शेयर मूल्य झण्डै १० प्रतिशतले बढेको छ ।
प्रतिक्रिया