काठमाडौं– नेपाली गीत संगीतको प्रचारप्रसार गर्दै स्रष्टालाई पुरस्कृत गर्ने उद्देश्यले युथ ग्रुप नेपालले ‘नेपाल टप म्युजिक अवार्ड २०२१’ आयोजना गर्ने भएको छ ।

आयोजकले सोमबार एक विज्ञप्ती जारी गर्दै अवार्डको सबै विधामा आवेदन खुल्ला भएको आयोजकले जनाएको छ । अवार्ड आगामी वर्षको असारमा हुनेछ ।

‘नेपालको शान, गीत संगीत राष्ट्रको पहिचान’ भन्ने मूल नाराका साथ आयोजना हुन लागेको अवार्डमा वर्ष २०७६, ०७७ चैत्र मसान्तसम्म बजारमा आएका गीत संगीतले सहभागिता जनाउन पाउनेछन् ।

अवार्डमा सुगम संगीत, पप संगीत, लोक दोहोरी,  अन्तर्राष्ट्रिय भिडियो, चर्चित गीत, चलचित्र गीत, भाषागत र प्रादेशिकतर्फ गरेर गायक, गायिका, संगीतकार, एरेन्ज, भिडियोलगायत करिब तीन दर्जन बढी विधा छन् ।

संस्थाका अध्यक्ष अशोक क्षेत्रीले अवार्डमा लामो समय गीतसंगीतमा बिताएका श्रष्टा तथा रंग पत्रकारलाई नगदसहित सम्मान गरिने बताए । उनका अनुसार अवार्डको जुरी तथा उत्कृष्ट ५ मनोनयन जेठमा सार्वजनिक गरिनेछ ।