खाना पकाउन अनुकुलता र स्थान अनुसार फरक फरक धातुको भाडाँको प्रयोग गरिन्छ ।

तर कतिपय अवस्थामा जान अन्जानमा कुन खाना कुन धातुको भाडाँमा पकाउने भन्नेबारे जानकारी नहुदाँ यसले हाम्रो स्वास्थ्यमा असर गर्दछ ।

हामीले कस्तो खानेकुरा कस्तो भाँडामा पकाउने त ?

१. पित्तल
पित्तलको भाडाँमा धेरै नुनिलो खानेकुरा पकाउनु हुदैँन, अन्यथा फुड प्वाइजन हुनसक्छ । पित्तलको भाडाँमा नुन र अम्लको प्रतिक्रिया हुन्छ ।

२. तामा
पहिलेको समयमा तामाको भाँडाको धेरै प्रयोग गरिन्थ्यो । पित्तलमा जस्तै यसमा पनि अम्ल र नुनको प्रतिक्रिया हुन्छ । त्यसैले तामाका भाडाँमा अमिलो परिकार पकाउनु हुदैँन ।

३. एल्मुनियम
अहिले प्रायः सबैको घरमा एल्मुनियमको भाडाँ हुने गर्दछ । चाडैँ अणु सक्रिय हुने भएकाले एल्मुनियम चाडै तातिन्छ । त्यसैले हल्का प्रकारको खाना एल्मुनियमको भाँडामा खाना पकाउनु हानिकारक हुन्छ ।

४. स्टेनलेस स्टिल
स्टेनलेस स्टिलको प्रयोग अहिले व्यापक मात्रामा हुने गरेको छ । यो एक मिश्रति धातु हो । यो कार्बन, क्रोमियम मिलेर बनेको हुन्छ । यसमा खाना पकाउँदा खासै असर गर्दैन ।

५. फलाम
फलामको भाँडामा पकाएको खानेकुरा खानु खासै अस्वास्थ्यकर हुँदैन । यसमा खाना पकाउँदा खानेकुरामा आइरनको मात्रा स्वत बढ्दछ । जो स्वास्थ्यकालागी फाइदाजनक छ ।

६. ननस्टिक
ननस्टिक अर्थात नटाँसिने भाँडामा खाना पकाउँदा खाना नटाँसिने भएकाले धेरै तेल, घिउको प्रयोग गर्नुपर्दैन । यद्यपी धेरै तताउँदा यस्तो भाँडाले रसायन उत्सर्जन भने गर्दछ ।