काठमाडौं–गृष्मा ब्रोडकास्टिङले सातै प्रदेशमा ‘सप्तरङ–३’ गर्ने भएको छ । राजधानीमा सोमबार पत्रकार सम्मेलन गर्दै आयोजकले ‘सप्तरङ’ले सातै प्रदेशमा जोडिएर कलाकारको सहकार्यमा सचेतना फैलाउने दाबी गरेको छ ।

आयोजकका अनुसार आगामी मंसिर २४ गतेबाट झापाको काकडभिट्टादेखि सुरु हुने यो कार्यक्रम पुष ९ गते पोखरा पुगेर समापन हुनेछ । काकडभिट्टा लगत्तै मंसिर २६ मा जनकपुर, मंसिर २८ मा चितवन, पुष १ मा नेपालगन्ज, पुष ३ मा सुर्खेत, पुष ५ मा धनगढी र पुष ९ मा पोखरामा कार्यक्रम हुनेछ ।

यसपटक यो कार्यक्रममा अभिनेता राजेश हमाल, गायक बद्री पङ्गेनी, प्रमोद खरेल, रामकृष्ण ढकाल, अनिल सिंह, हास्य कलाकार सन्दीप क्षेत्री, राजाराजेन्द्र पोखरेल गायिका मिलन नेवार र अस्मिता अधिकारी तथा मोडेल उषा उप्रेतीको प्रस्तुति हुनेछ ।

कार्यक्रमको होस्ट निता प्रधान, विवेक खतिवडा र नरेश भट्टराईले गर्ने छन् ।