मुम्बई(दैनिक जागरण)– अभिनेत्री माधुरी दीक्षित र अभिनेता आमिर खानले दुई फिल्ममा सँगै काम गरेका छन् । सन् १९९० मा उनीहरुकाे फिल्म ‘दिल’ रिलिज भएको थियो ।

यो फिल्मको सुटिङमा आमिरले माधुरीमाथि प्रेंक गर्दा त्यो प्रेंक उनका लागि यति महंगो साबित भयो कि आमिरले भागेर ज्यान बचाउनु परेको थियो । आमिरले यो कुराको खुलासा फरहान अख्तरको च्याट शो ‘ओए ! इट्स फ्राइडे’मा गरेका थिए ।

‘मैले सबैसँग हात हेरे भविष्य बताउछु भनिरहेको थिएँ । त्यही बेला माधुरीको हात हेर्दै उनको हातमा थुकेको थिएँ’, उनले भनेका छन्, ‘तपाईंको हात हेरिरहँदा ‘तपाईं निकै भावुक हुनुहुन्छ । मानिसहरु तपाईंलाई बेवकूफ बनाउछन् । तपाईं विश्वास गर्नुहुन्छ । जसरी म तपाईंलाई बेवकूफ बनाइरहेको छु’ भनेर उनको हातमा थुकीदिएँ । त्यसपछि माधुरी यति रिसाईन् कि उनले मलाई हकी स्टिक लिएर खेदाइन् ।’

माधुरीले पनि त्यो बेला आमिरलाई कुट्नकै लागि आफू दौडिएको खुलाएकी छन् । माधुरीले आमिरका साथ ‘दिवाना मुझसा नहीं’ मा पनि काम गरेका थिए । यी दुई फिल्म पछि उनीहरुले कुनै पनि फिल्ममा सहकार्य गरेनन् ।