काठमाडौँ– काठमाडौं महानगरपालिका २२ सुन्धारास्थित काठमाडौं मल अगाडिबाट संरक्षित वन्यजन्तु चितुवाको दाह्रा भएको टाउकोसहित ३ जनालाई प्रहरीले पक्राउ गरेको छ ।
पक्राउ पर्नेहरुमा लमजुङ दुधपोखरी गाउँपालिका ६ घर भएका २३ वर्षीय सन्तोष आले मगर, काभ्रे रोसी गाउँपालिका-१२ घर भएका २० वर्षीय सुजन थिङ र १८ वर्षीय किशोर रहेका प्रहरीले जनाएका छ ।
संरक्षित वन्यजन्तु चितुवाको दाह्रा सहित टाउकाको कारोवार गर्न हिँडिरहेको भन्ने उजुरी पछि प्रहरीले तलासी गर्दा प्रहरीले उनीहरुलाई नियन्त्रणमा लिन सफल भएको हो ।
उनीहरुलाई आवश्यक अनुसन्धानको लागि डिभिजन वन कार्यालय, हात्तीसार काठमाडौं पठाइएको उक्त महाशाखाले जनाएको छ ।
प्रतिक्रिया