काठमाडौं– ग्ल्यामर र सस्पेन्सलाई प्राथमिकता दिँदै फिल्म ‘लभ सर्कल’को ट्रेलर सार्वजनिक भएको छ । मि टिभीको प्रस्तुतिमा निर्माण भएको फिल्ममा ओमप्रकाश अग्रवाल र रोशन पौडेलको लगानी छ ।

वसन्त निरौला निर्देशित फिल्मको ट्रेलरमा कलाकारको प्रेम, ग्ल्यामर र सस्पेन्सलाई स्थान दिइएको छ । फिल्ममा नाजिर हुसेन, मुकुन भुषाल, पवित्रा आचार्य, रवीन्द्र झा, रिस्ता बस्नेत र सुमन कोइरालाको अभिनय रहेको छ ।

फिल्ममा अंकितबाबु अधिकारीको संगीत, श्रीधर पौडेलको पोस्टर फोटोग्राफी, विनय पौडेलको मुख्य सहायक निर्देशन, अभिमन्यु निरवीको लेखन, राजेन्द्र मोक्तानको कलर, दिव्य सुवेदीको छायांकन, पवित्रा आचार्यको कोरियोग्राफी तथा साहिल खान र मिलन श्रेष्ठको सम्पादन छ ।

आगामी साउन २९ गतेबाट डिश होम सिनेमा घर च्यानल नम्बर ५५५ मा फिल्म प्रदर्शनमा आउने छ । यससँगै सम्पूर्ण डिजिटल प्लेटफर्ममा पनि फिल्म प्रदर्शन गरिने निर्माता अग्रवालले जानकारी दिए । ट्रेलर ओएसआर डिजिटलको अफिसियल च्यानलबाट सार्वजनिक गरिएको हो ।