काठमाडौं– तीजलाई लक्षित गरेर गायक तथा संगीतकार सुवर्णकुमार श्रेष्ठ र गायिका दीपा कोइरालाको युगल स्वरमा नयाँ तीज भाका ‘छमछम छमछम नाच बरीलै’ बजारमा ल्याएका छन् ।
गीतमा शब्द, संगीत र संगीत संयोजन सुवर्णकै रहेको छ । यो गीतमा सुवर्ण र दीपालाई स्वरमा विष्णु श्रेष्ठ र रञ्जु मगरले पनि साथ दिएका छन् ।
भिडियो क्राफ्ट नेपालको युट्युव च्यानलबाट सार्वजनिक भिडियोमा गायिका दीपा कोइराला, मञ्जुला गिरी, सविता कार्की, रफ्तार पौडेल, केशब विसी, प्रवेश पौडेल, सुस्मिता श्रेष्ठ, सुस्मिता कार्की, रञ्जु मगर, भावना पौडेललगायत फिचर्ड छन् ।
सरस्वती श्रेष्ठ निर्माता रहेको भिडियोमा सुवर्णकै छायांकन र सम्पादन छ । भिडियोका निर्देशक जीवन थापा हुन् ।
प्रतिक्रिया