काठमाडौँ– राष्ट्रपति विद्यादेवी भण्डारी र नेकपा एमालेका नेता माधवकुमार नेपालबीच भेटवार्ता भएको छ ।
विहीबार राति राष्ट्रपति भवन शीतल निवास पुगेर नेता नेपालले राष्ट्रपति भण्डारीलाई भेटेका हुन् । बिहीबार अपराह्न नेता नेपालले नेपाली कांग्रेसका सभापति शेरबहादुर देउवालाई समेत भेटेका थिए ।
सभापति देउवालाई भेटेलगत्तै नेता नेपाल राष्ट्रपतिलाई भेट्न शीतल निवास पुगेका थिए ।
सभापति देउवासँगको भेटमा ओलीको पक्षमा विश्वासको मत पुग्न नदिने विषयमा छलफल भएको जनाइएको छ । प्रधानमन्त्री ओलीले २७ वैशाखमा विश्वासको मत लिने भएपछि नेताहरुबीचको भेटवार्ता तीव्र बनेको छ ।
प्रतिक्रिया