काठमाडौँ- अमेरिकामा २ करोडभन्दा धेरैले कोरोना भाइरसको संक्रमणलाई जितेका छन् ।
पछिल्लो २४ घण्टा ८९ हजार ४२५ जनाले संक्रणलाई जितेका छन् । योसँगै अमेरिकामा संक्रमणमुक्त हुनेको संख्या २ करोड १ लाख ८३ हजार ९२९ पुगेको छ ।
यस्तै पछिल्लो २४ घण्टामा १ हजार ७९४ संक्रमितको मृत्यु भएको छ । योसँगै अमेरिकामा कोरोनाले ज्यान गुमाउने संक्रमितको संख्या ५ लाख ३५ हजार ५६३ पुगेको छ ।
त्यहाँ पछिल्लो २४ घण्टामा ६७ हजार २८१ जनामा संक्रमण पुष्टि भएको छ । यसअघि २७ मंसिरमा एकैदिन अहिलेसम्मकै धेरै ३ लाख ८६ हजार ६५४ जनामा संक्रमण भएको थियो ।
पछिल्लो वृद्धिसँगै अमेरिकामा संक्रमितको संख्या २ करोड ९५ लाख नाघेको छ ।
प्रतिक्रिया